تاقرفت نيوز

في يوم كيف اليوم كنا احرار...
وكنا فنظر الغير حق اكبار...
في يوم كيف اليوم...
اضايق حالي...
خديت سهو ماضي قديم لفالي...
قعدنا دوايح ف الاوطان جوالي...
بعد غيبة الفاتح وبومنيار...
ايام عز عشنا امعاه في العلالي...
قعدنا هتايا مالنا دبار....
☆☆☆☆☆☆
كان سيدها ميجود...
حامي سماها وبرها والحدود...
اتقول عين صابتنا وعين حسود...
مامن عرب ردحت مع الكفار...
ياريت ياماضي انكان اتعود...
لاكن أخسارة كل شي انهار..
قعدت مهيرة لي ضنا ليهود...
بعد عز راحت اليوم دمار...
☆☆☆☆☆☆☆
كانت دولة...
عظمى وعظيمة شامخة معدوله...
كان سيدها يرزم وهم يصغوله...
ميثاقهم حدفه جهار نهار...
حامي تراب الوطن عرض وطوله...
وكل الشواهد قاعده تذكار...
صنديد عنده فرسنه ورجولة...
ايطاليا رغمها وجاب الاعتدار....
☆☆☆☆☆☆☆
في يوم كيف اليوم كنا احرار..
وكنا فنظر الغير حق اكبار..
في يوم كيف اليوم...
#تحيات الشاعر ناصر ابوطبل ...
اهداء الي كل انصار الفاتح العظيم..