تاقرفت نيوز

#هام_جدا
قصة اقطيط و صناعة الوهم باللهجة العامية
قصة اقطيط ذكرتني باللي ماشي بيخطب بنت بيل قيتس لولده ، فقال نبي بنتك لولدي .. قاله ولدك شن يشتغل ، قال المدير التنفيذي في البنك الدولي ... قاله اوكي .... مشي لمدير البنك الدولي قاله نبي ولدي يولي المدير التنفيذي عندك في البنك .. قاله لا ... قاله بس ولدي نسيب بيل قيتس .. قاله اه هكي خلاص تم ... يعني من لا شئ تصنع شي .
الصورة المرفقة هي لعقد مدته شهرين بين قطيط و السيناتور جوزيف ليبرمان قيمته 100 ألف دولار لمدة شهرين قابلة للتجديد بمعدل 50 ألف لكل شهر باش يديرله شغل لوبينق ( ضغط ) و تشبيك و علاقات مع اعضاء الكونجرس " شغل مرابيع لكن بقراويط و عقود و ارقام مش رز و لحم " .
نسخة كاملة من العقد هنا
:
https://www.scribd.com/…/Baset-Igtet-agreement-with-joe-lie…

فعلاً العقد توقع من هني .. عمو ليبرمان خداه في جولة عرفه بشوية اعضاء في الكونجرس و صور معاهم و حط صوره معاهم في الفليكر بعدها بيومين
:
https://www.flickr.com/…/basitigtet/albums/72157637938629425

العنوان اللي استخدمه قطيط في توقيع العقد هو عنوان لعمارة سكنية فخمة في نيويورك بدون ما يحدد رقم الشقة و هذا تصرف غريب لشخص يدعي انه رجل أعمال محترف و كذلك الايميل اللي مستخدمه تم تسجيله مؤخراً شكله بعد ما طاح منه لصالح شركة معدات طبية ، مع انه يدعي ان مسجل شركة في ليبيا بنفس اسم الدومين متخصصة في قطاع النفط و الغاز " شركة أثال " في 2011 .
التسجيل اللي طلع بيه يتكلم عن مشاريعه بخصوص ليبيا و يتكلم فيه عن أحلام ممكن اي مواطن بسيط يحلمها و عاجز عن تحقيقها لعدم امتلاكه الادوات و الامكانيات ، حاولت نسمعه ثلاثة مرات و في كل مرة اول ما تفوت 10 دقايق نلقى روحك راقد ... سميته أحلام قطيط لعلاج الأرق .
من الاخير إدعاء قطيط بدعم الحكومة الامريكية له وهم في وهم ، و مساندة الاخوان و المقاتلة و بعض الشراذم له محاولة لخلط الاوراق و اعادة ترتيب الوضع في صالحهم من جديد .... و هذا لا يعني بأي حال من الاحوال ان الوضع القائم حالياً في الشرق و الغرب جيد .. بل هو سئ جداً و شلة فساد و لصوص .
منقول