#الزمن_الجميل
ﺯﻣﺎﻥ تقعميزة قدام ﺍﻟﺘﻠﻔﺰﻳﻮﻥ ﻭﺍﻟﻌﺸﺎﺀ ﺧﻔﻴﻒ ، ﻭﻃﺎﺳﺔ ﺣﻠﻴﺐ ﺍﻟﺰﻫﺮﺍﺕ ، ﻭﺍﻟﻤﺮﻭﺣﺔ ﻋﻠﯽ ﺭﻗﻢ ﺧﻤﺴﺔ ، ﻭﻗﺎﻋﺪﻳﻦ ﺍﻧﺤﻠﻮﺍ ﻓﻲ ﺍﻟﻮﺍﺟﺐ ..
ﺯﻣﺎﻥ ﻛﻞ ﻣﺎﺗﺸﻮﻑ ﻃﻴﺎﺭﺓ ﺗﻘﻌﺪ ﺗﺸﺎﻭﺭﻟﻬﺎ ﻭتديرلها خير خير ..
ﺯﻣﺎﻥ ﻛﻨﺖ نستنى ﻓﻲ ﺻﻒ ﺭﺍﺑﻊ باش نبدو ﻧﻜﺘﺒﻮﺍ ﺑﺎﻟﺒﻴﺮﻭ ..
ﺯﻣﺎﻥ يسألك حد كبير ﺍﻟﺴﺎﻋﺔ ﻛﻢ ﺍﻧﻘﻮﻟﻠﻬﺎ ﺍﻟﻜﺒﻴﺮة ﻋﻠﯽ ﺃﺭﺑﻌﺔ ﻭﺍﻟﺼﻐﻴﺮة ﻋﻠﯽ ﺳﺘﺔ ﻭﻧﺤﺴﻮﺍ ﻓﻲ ﺭﻭﺣﻨﺎ ﺩﺭﻧﺎ ﺍﻧﺠﺎﺯ ﻛﺒﻴﻴﻴﻴﺮ ..
ﺯﻣﺎﻥ ﻧﺮﺳﻤﻮﺍ ﻓﻲ ﺷﻤﺲ ﻓﻲ ﺯﺍﻭﻳﺔ ﻛﺮﺍﺳﺔ ﺍﻟﺮﺳﻢ ﺃﻭﻝ ﺣﺎﺟﺔ ..
ﺯﻣﺎﻥ ﻛﻨﺎ ﻧﺴﺘﻨﻮﺍ ﻓﻲ ﺍﻻﻣﺘﺤﺎﻧﺎﺕ باش ﻣﺎ ﻧﺮﻓﻌﻮﺵ ﻣﻌﺎﻧﺎ ﺍﻟﺸﻨﻄﺔ ﻟﻠﻤﺪﺭﺳﺔ ..
ﺯﻣﺎﻥ ﻛﻨﺎ ﺍﻧﺴﻜﺮﻭﺍ ﻓﻲ ﺑﺎﺏ ﺍﻟﺜﻼﺟﺔ ﺑﺎﻟﺸﻮﻳﻴﻴﻴﺔ باش ﻧﻌﺮﻓﻮﺍ اﻣﺘﻰ ﻳﺘﺴﻜﺮ ﺍﻟﻀﻲ ..
ﺯﻣﺎﻥ ﻛﻨﺎ ﺍﻧﺤﺴﻮﺍ ﻓﻲ ﺭﻭﺣﻨﺎ ﺩﺭﻧﺎ ﺣﺎﺟﺔ ﻋﻈﻴﻤﺔ ﻭﻗﺖ ﻧﻘﻌﺪﻭﺍ ﻧﺎﻳﻀﻴﻦ لين ﺗﻄﻠﻊ ﺍﻟﺸﻤﺲ ﻭﻧﻬﺪﺭﺯﻭﺍ ﺑﻴﻬﺎ ﺃﺳﺒﻮﻉ ﻟﺼﺤﺎﺑﻨﺎ ..
زمان زي ما تشوفوا في الصورة حتى من لمة العيلة والزرادي والمناسبات وصلة الرحم كانت أقوى وليها معنى ثاني ..
اﻛﻴﺪ ﺗﺒﺘﺴﻢ ﺗﻮا ﻣﻦ ﻫﺎﻟﺬﻛﺮﻳﺎﺕ ﺍﻟﺤﻠﻮﺓ ..
شارك البسمة مع صحابك وعيلتك
ﻓﻲ ﻭﻗﺖ ﺍﻧﺴﻴﻨﺎ ﻓﻴﻪ ﺍﻟﺒﺴﻤﺔ ﻭﺍﻟﺤﻴﺎﺓ ﺍﻟﺒﺴﻴﻄﺔ ﺍﻟﻠﻲ ﻋﺸﻨﺎﻫﺎ
ليست هناك تعليقات:
إرسال تعليق