تاقرفت نيوز

#بهذه_الحقائق_يحق_الاحتفال_من_البسطاء
من حق الناس تحتفل بعيد الفاتح للاسباب التالية 
شد عندك انت واياه 
فى عهد معمر ماقعدناش نعدوا فى ساعات الضى
فى عهد معمر ماشفناش الليبيين يرقدوا بفراشتهم قدام المصارف باش يحصلوا 200 دينار
فى عهد معمر ماشفناش مليشيات تسرق وتنهب وتمشط فى الناس
فى عهد معمر عمره ماوصل الدولار 8 دينار
فى عهد معمر ماشفناش قطرى ولا اماراتى ولا اى كلب اجنبى يتدخل فى سياسة ليبيا الداخلية ويملى فى شروطه علينا
فى عهد معمر مانعرفوش حاجة اسمها داعش وارهابيين توانسة ومصاروة وتشادية يقتلوا ويفجروا ويصلبوا فى الليبيين
فى عهد معمر ماشفناس مدن بأكملها مهجرة من أراضيها وقاعدة فى مخيمات فى الشتاء والصيف
فى عهد معمر ما كناش ناخذوا فى اربع فرادى خبزة بدينار
فى عهد معمر ماشفناش ليبية تقول حرام عليكم عندكم ولايا
فى عهد معمر ماشفناش مليشية مسكرة طريق ولا هاجمة على اى مؤسسة ولا مطار ولا حتى ميناء ولا حقل نفطى تسكره
فى عهد معمر ماشفناش الا علم واحد وفى فبراير طلع مليون علم
فى عهد معمر ماشفناش قبيلة ولا مدينة هاجمة على قبيلة ولا مدينة اخرى بالدبابات
فى عهد معمر ماشفناش طايرة بدون طيار تحوم فى الاجواء الليبية مخترقة اجوائنا ولا شفنا قواعد عسكرية وايطالية موجودة داخل اراضينا
وما أخفى كان أعظم يا عملاء