تاقرفت نيوز

- عطيني من وقتك شوي -👇
#بنتكلم في موضوع و قاصد فيه البسطاء في التفكير و السدج .. حديث الساعه في لبلاد ان فلان طاح في  سياره عاقبه من رتل مرتزقة امتاع بن جريد و الجظران و فلان طاح في سياره ثانيه في وادي .. بالعقل انت اللي صدقت الكذبه هده لو انك علي راس رتل و عندك سيارة صار فيها عطل اتخليها حق وراك ، اكيد " لا " لان طول ايجي في بالك يا تربطها في كاو و اتكرها معاك بالاخص كانها مسلحه يا اتولع فيها النار يعني جيفه ولا ياكلوها عواته .. الدواعش نهار ضربو بوابة الفات و عقبة منهم سيارة في الطلح  حرقوها طول ما لحق عليها حد لان هذا التصرف الوحيد اللي ايجي في بالك .. اللي صار بزبط هوا ان رتل الدمار و الخراب اللي فات علي لبلاد دافع فلوس و جماعته معروفين ولكن احني انجاملوا في بعضنا كالعاده و صار عطل في سيارات عندهم بدل ما يحرقوهن خلوهن لي جماعتهم اللي يمسحولهم في الطريق و يخبرو بيهم و القصد منا ممكن ايكون وديده ليهم علي عمالتهم و خيانتهم او القصد منا ان ايدسوهن ليهم و ايصلحوهن ولكن بيش الفيلم يمشي علي البسطاء في التفكير و السدج دارو اشاعه ان لقوهن خاربات و سايبات ولكن هذه الكذبه ما تمشي علي كل حد لان بوطي بنزينه ما ايفوت علي لبلاد بدون حمايه و تأمين و مسح طريق ما بالك برتل مرتزقه مسلح و هدف مشروع لجيش .. فيه دوائر شك و شبهات و علامات استفهام و مع الوقت ايبانن حقائق واجد ، ولكن للأسف كالعاده بنلقوا ارواحنا ننسو في افعال الخونه و الجواسيس و السقايه و العملاء لان هذا اللي وصلنا للحال المزري اللي احني فيه توا لان العدو منا و فينا و بايت في وسط النجع و ماحد ايتلكم عليه و اكبر دليل علي كلامي شهود العيان و بيوت المشروع ما يعرفهن كان حد عنده جره والا حد معاه حد من اهل الوطن .
#بقلم_غليض_بن_مزروع