تاقرفت نيوز

#العرب_هواهم_خف
زمان (ايام الدنيا دنيا) ايام النجوع والعرب اتود فى بعضها
وكان فى واحد اكرمكم الله يبعث فى الحمار امتاعه للسوق ايبيعله 
في الشعير كيف كان ايدز فيه كان ايحط هاذيك البردعه على 
ظهره ويدزه يمشى الحمار ياخذ الطريق ويربح.....
العمليه هذه خذت سنين وسنين ومره من المرات روح الحمار بلا الفلوس لان التاجر كان ياخذ فى البضاعه ويحطله بدالها الفلوس عموما....تكررت عملية ان الحمار ايروح بدون افلوس
احتار الراجل كيف صار؟
بدى ايتبع فى الحمار لقي واحد يعترض فى الحمار ويأخذ من البردعه
الفلوس.....
الراجل متكلمش وخلى السراق ...
ناض الراجل هذا الصبح لم (الصرر)ا متاعه وهى جمع (صره)
وخذا حماره وترك القريه.
وهو ماشي مر من امام منزل شيخ القريه فقال له.....
يابوصالح (وين بيها)....
اجابه ابوصالح قائلا (يامختار الوطن معاش ينقعد فيه)
قال له شيخ القرية (ان شالله خير)
رد عليه ابوصالح وقاله وهو متكدر ومضايق من لشافه
(العرب ياشيخ هواها خف)
يقصد هنا ان الناس تغيرو واصبحوا يجنون اموالهم من السرقة
وكلمة (هواهم خف) لازالت حتى الان تتداول فى ارياف بلادنا الحبيبه.حيث تجد رواجا بشكل يدعوا للتعجب