تاقرفت نيوز

هذه الأبيات الي زياد دغيم لان بوه يأخذ في 15000 دولار وهو عمره 80 سنه علي اساس انه يخدم في القنصلية الليبية في مصر

انت باتك عنده فرتونه ....
اللي جابك سلمه جياب ...
وباتي ايكون الله افعونه ...
ابنادم فاشل كيفي جاب ...
انت باتك صحات اعيونه ...
الله ايبارك مازال شباب ...
ونا باتي طايحات اسنونه ...
من دون انداداته شاب ...
انت باتك ياكل فالتونه ...
ويفطر شاورمه وكباب ...
ونا باتي مدمن مكرونه ...
ويكره حاجه نص اطياب...
انت باتك غالي صابونه ...
امدلع ماكيف الشياب ...
ونا باتي واضح من لونه ...
يغسل في اوجيها بشراب ...
انت باتك يحضر في افلونه ..
وفي زينه ويسمع في الراب ...
ونا باتي صارم قانونه ...
انكان فرهد يمشي لمناب ...
انت باتك ينفخ بالونه ...
في العيد وحوله الاحباب ...
ونا باتي يكبر كانونه ...
مالفجر ايشرع فالباب ...
انت راجل واضح مضمونه ...
ونائب في مجلس نواب ...
ونا شاعر خايبات اظنونه ...
لسانه دايرله شخشاب ...

صلاح سرير